​BYD Yuan Up "расмий дилерларда" қанчага қиммат бўлади Тармоқларда келаси ҳафтадан BYD Yuan Up электромобилининг  расмий сотувлари бошланиши айтилмоқда. Хитойда 14 минг доллардан бошланадиган кичик кроссовер Тошкентда хусусий моккилар томонидан 18 минг доллардан бошлаб таклиф этилмоқда. Фулл позициялари буюртма қилинса, 20 минг доллардан сал юқорироққа тушади. "Расмий дилер" BYD Yuan Up'нинг 401КМ Flagship вариантини таклиф этиши кутилмоқда. Е2 ва Seagull таклифи билан юз берган ҳолатдан келиб чиқилса, нархлар моккиларникидан камида 20% қиммат бўлишини кутиш керак. Эслатиб ўтамиз, BYD Uzbekistan Factory МЧЖ ва у билан аффилланган тузилмалар бож ва  утилизация йиғими билан боғлиқ имтиёзларга эга. Шунга қарамай, "расмий дилер" деб аталувчи тузилмалар Хитойдан келтириб сотаётган электромобиллар хусусий тадбиркорлар келтираётганидан қимматга таклиф этилмоқда.