4 фоизлик чегирма қандай ишлайди ва кимларга берилади? Кўплаб автосалонлар автомобиль хариди учун пул тўлиқ тўланса чегирма бераётганлиги, лекин амалдаги қоидаларга кўра, кредитга бериладиган автомашина учун бу чегирмани банклар қабул қилмаслиги айтилган. Банкларга чегирма қабул қилишга рухсат берилса, кредит ставкаси 4 фоизга арзонлашиши таъкидланган. Бу чекловни маҳаллий автомашиналар учун бекор қилиш муҳимлиги қайд этилган. Албатта, бу бўйича яна қўшимча ва батафсил тушунтириш берилса керак. Лекин гап автомобиль харидида 100% олдиндан тўлов амалга оширилганида автомобиль қийматидан ҳам ва кредит ставкасидан ҳам чегирма тақдим этиш ҳақида кетаётгани аниқ. Умид қиламизки, мазкур қоидалар монополистлар ва эксклюзив имтиёзга эга олиб-cотарлар томонидан рақобатга қарши ақл бовар қилмас чекловлар ўрнатилгани етмаганидек, жуда қимматлиги учун сотилмаётган автомобиллар (Onix ва Seagull, E2 масалан) учунгина эмас, халқчил Cobalt ва Damas каби автомобилларга ҳам қўлланилади. Чакана харидорларга ҳам, корпоратив харидорларга ҳам.