​Инфляция хатари туфайли Қозоғистон Миллий банки асосий ставкани кескин оширди Қозоғистон Миллий банки бугун асосий ставкани 1,25 фоиз бандига, 16,50%гача кўтарди. Регулятор ўз қарорини ошиб бораётган инфляцион хатарлар билан боғлаган. 2025 йил учун инфляция прогнози 6,5-8,5%дан 10-12%гача ёмонлашган. Регулятор ёқилғи ва коммунал хизматлар қимматлашиши, ҚҚСни ошириш кўзда тутилган Солиқ ислоҳоти ва Россияда тезлашаётган инфляция босимни оширишидан хавотирда. ЯИМ ўсиши 4,2-5,2% (-0,3%)гача секинлашиши кутилмоқда. Қозоғистон бизнинг учинчи савдо ҳамкоримиз ҳисобланади. Россия ва Хитойдан фарқли равишда Қозоғистондаги макроиқтисодий қарорлар ва ўзгаришларнинг бизга синхрон ва проекцион таъсир ўтказиши эҳтимоли юқорироқ.