​Янада кўпроқ, янада қимматроқ: Ўзбекнефтегаз яна 850 млн.доллар қарз олмоқда Монополистнинг расмий релизида ҳам, Энергетика вазирлигининг қарз олиш бўйича рекорд ўрнатилгани ҳақидаги пиар матнида ҳам 850 млн.долларлик облигацияларнинг жойлаштирув нархи яширилган, яъни очиқланмаган. Балки уялишгандир. Демак, ўзи қарзга ботган монополистнинг навбатдаги 850 млн.долларлик қарзи 8,75%дан жалб қилинган. Маълумот учун, 2021 йилдаги 700 млн.долларлик евробондлар орқали 4,75%дан жойлаштирилган эди. Монополист янги қарз траншлари қай мақсадларда ишлатилишини аниқлаштирмаган. Эҳтимолки, доимий ликвидлик пробелларига эга компания янги қарзлар билан эски қарзларини ёпади (қайта молиялаштиради) ва балки қарзларнинг бир қисми пудрат қиролларига боғланган қанақадир янги кэптив лойиҳаларга йўналтирилади. Маълумот учун, Ўзбекнефтегаз 2025 йилда газ қазиб олиш прогнозини 34,1 млрд.кубдан 26,5 млрд.кубгача пасайтирган ва йил давомида жами 2 млрд долларлик хорижий кредитларни жалб қилишни режалаштирмоқда.