​Давлат бонкаларини хусусийлаштириш жиддий белгилари йўқ, Алоқабанк мустасно Фискал стратегияга кўра, Ўзсаноатқурилишбанкни хусусийлаштириш 2026 йилгача кечикади, Асакабанк, Алоқабанк ва Туронбанкники эса 2026−2027 йилларга мўлжалланган. Қолган бешта давлат бонкаси ҳозирча давлат назоратида сақланиб қолади. Фискал стратегия ортидан хусусийлаштиришга оид қисми ижро қилинмаган ва маъносини йўқотган мана бу Стратегияга ҳам ўзгартириш киритилса керак. Давлат банкларини хусусийлаштириш кечикиши биринчиси эмас (масалан, Асаканбанкни хусусийлаштиришга қарор қилинганига 25 йилдан ошди), охиргиси ҳам эмас, кейинги 6 йилда ҳар йили кейинги йилга сурилади, стратегия, қарор ва дастурларни ҳеч ким санамай ҳам қўйган. Аввал ҳам кўп кўп бора айтганимиздек, йирик давлат бонкаларини хусусийлаштириш бўйича жиддий мақсад йўқ ўзи. Ахир давлат бонкалари ҳукумат қўлидаги дастёрку. 2025 йилда уларнинг дастёрлик функциялари янада кучайди, яъни давлат банклари банкчиликдан янада узоқлашди, демакки уларнинг сифати янада пасайди ва нархи янада арзонлашди. Шундай экан, давлат банкларига потенциал инвесторларнинг қизиқиши пастлиги ва тўғрисини айтиш керак - йўқлиги бу оқибат, сабаб эмас. Лекин рўйхатда бир истисно бор. Бу нисбатан кичик ва мобилроқ Алоқабанк. Алоқабанк капиталида “маҳаллий инвесторлар” ўтган йили охирида пайдо бўлган. Маҳаллий инвесторлар Алоқабанкдаги ўз улушини оширишда давом этишмоқда ҳам (Албатта, давлат 1 сўмдан сотиб олган акциялар иккиламчи бозорда 2,5 карра арзон сотилиши саволли, савол ўзи 40 тийинлик акцияни 1 сўмдан олаётган давлат органларига). Ҳаммаси рисоладагидек кетса, кейинги йилга Алоқабанкнинг назорат пакети хусусий қўлларга ўтиб қолса керак. Балки худди шу тақдирни, бегона қилинмай, яна бир кичик банк Туронбанк ҳам такрорлайди (капитали кичик, номиналидан 2-3 карра арзон олиш мумкин).