Қирғизистон Ўзбекистонга қорамол экспортини 5 карра, қўй экспортини 10 карра қисқартирган 2025 йил 1- ярим йиллик якунлари бўйича қардош Қирғизистон Ўзбекистонга йирик шохли қорамол экспортини 53 429 бошдан 11 227 бошгача камайтирган. Қўй--эчки экспорти 112 206 бошдан 10 270 бошгача қисқариб кетган. Экспорт кўрсаткичларининг қулаши сабаблари Миллий хавфсизлик давлат қўмитаси Қирғизистон Сув ресурслари, қишлоқ хўжалиги ва қайта ишлаш саноат вазирлигига қўзғаган коррупцион иши билан ҳам боғлиқ бўлиши мумкин. Қайд этилишича, Қирғизистондан Ўзбекистонга 40 минг бош қорамол ноқонуний экспорт қилинган. Ташиевнинг қудратли тузилмаси гўшт нархи ошиб кетиши сабабини шунда, Ўзбекистонга квотадан ташқари чорва моллари экспорт қилинишида кўрмоқда. Охирги ярим йилда Қирғизистонга чегарадош водий вилоятларида гўштнинг кескин қимматлашиши, хусусан қўшнилардан мол-қўй ўтмай қўйгани билан бир вақтда юз берганини кўпчилик сезмоқда (энг қиммат гўшт Фарғонада).