Давлат қарзининг ўсиши иккинчи чоракда секинлашган Давлат қарзи иккинчи чорак давомида 785 млн.долларга ўсган ва 43 376 млрд.долларга етган. Ўсиш фақат ташқи қарз (+852 млн.доллар) ҳисобига рўй берган, ички қарз 67 млн.долларга қисқарган. 2022 йилдан бери иккинчи чоракларда ташқи қарзнинг энг кам ҳажмда ўсиши мазкур даврда давлат компаниялари еврооблигациялар орқали жуда фаол қарз жалб қилгани (НКМК, НавоийУран, Ўзбекнефтегаз, Миллий банк), шунингдек, олтиннинг юқори нархлари билан изоҳланиши мумкин. Йиллик ҳисобда давлат қарзининг ўсиши жуда юқорилигича қолмоқда (6 135 млрд.доллар). Жаҳон банки (7 840 млн.доллар), ОТБ (7 464 млн.доллар) ва Хитой банклари (3 866 млн.доллар) асосий кредитларимиз бўлиб қолмоқда. Суверен облигациялар орқали жалб қилинган қарз 5 785 млн.долларга етган. Энг кўп қарз бюджетни қўллаб-қувватлаш учун олинган (16 966 млн.доллар). Қарз ўзлаштириш бўйича кейинги ўринда тубга инаётган ёқилғи-энергетика соҳаси (5 892 млн.доллар). Давлат қарзи статистикаси ташқи қарз статистикасидаги корпоратив дейилган давлат компаниялари қарзини, шунингдек ДХШ лойиҳалари бўйича шартли мабуриятларни инобатга олмайди.