​Пискент полигони ёпилиши эффекти: Электромобиллар импорти янги тарихий рекордга етган Сентябрда қиймати 114,4 млн.долларлик 11 534 дона электромобиль импорт қилинган. Бу ўтган йилнинг шу даврига нисбатан 7,4 карра кўп ва июлдаги рекорднинг янгиланишидир. Ўтган йили электромобиллар ўртача 4,7 минг доллардан импорт бўлган бўлса, бу йилда ўртача импорт нархи 9,9 минг доллардан ошган. Импортнинг кескин ўсиши Пискентдаги полигонда соққа-синовлар 2 сентябрдан тўхтатилгани билан бевосита боғлиқ бўлиши мумкин ва бу ўсиш жисмоний импорт эмас, ойлар давомида синовдан ўтказилмай димланиб ётган электромобиллар билан боғлиқлиги эҳтимоли юқори. Ниҳоят бензинда юрадиган автомобиллар импорти ҳам сонда, ҳам қийматда оша бошлаган (буям Пискент полигони ёпилиши эффекти бўлиши мумкин). Лекин гибридлар импорти сунъий тўсиқлар билан ўлдирилганича қайтиб тикланмаяпти.