​Электромобиллар импорти барқарорлашмоқдами? Октябрда умумий қимати 71,4 млн.долларлик 6 933та электромобиль импорт қилинган. Бу чекловлар бошланган ўтган йилнинг октябрига нисбатан 1,74 карра ўсиш, лекин чекловлар юмшатилган сентябрдаги кўрсаткичдан (11 534та) 4 601тага кам. Сентябрда Пискент полигони ёпилиши ортидан узоқ муддат димланиб, расмийлаштирилмай ётган электромобиллар импорти ҳам қайд этилгани ҳисобга олинса, мазкур кўрсаткични барқарорлашув деб ҳисоблаш мумкин. Импорт қилинаётган электромобилларнинг ўртача қиймати ортишда давом этмоқда ва октябрда 10,3 долларни ташкил этган (ўтган йил октябрда 5,2 минг доллар, шу йил сентябрда 9,9 минг доллар). Электромобиллардан фарқли ўлароқ бензинда юрадиган автомобиллар ва гибридлар импорти қисқаришдан тўхтагани йўқ. Хусусан, гибрид автомобиллар импорти ўлдирилганича, қайта тикланмай қолмоқда. Октябрда 1 874 дона бензинда юрадиган автомобиль (-22,3%), 304 дона гибрид автомобиль импорти қайд этилган (10 каррадан кўп қисқарган). Бензинли автомобиллар ўртача 18,2 минг доллардан, гибридлар 29 минг доллардан импорт бўлган.