3 д) бандга айнан Paynet тушадиган қилишган экан Солиқ қўмитаси Paynet (Xolis) иловасини юклашга мажбурлашлар бўйича баёнот бермоқда. Қўмитанинг айтишича, ҳуқуқий режимда иштирок этиш учун Дастурий маҳсулотлар ва ахборот технологиялари технологик парки, яъни IT парк резидентлари ҳисобланмаслиги лозим. Мутлақо тасодифга кўра, йирик тўлов ташкилотларидан фақат Paynet'гина IT парк резиденти эмас экан. Қаранг-а, Payme, Click, Uzum, Alif, Oson'ларнинг биронтаси ҳуқуқий режимда ишлаш мезонига тушмас экан, аниқроғи тушмайдиган қилинган экан. Рақобатни қарорнинг ўзидаёқ ўлдириб қўя қолиш кимнинг ташаббуси бўлган экан-а? (Рақобат қўмитаси муҳокамаларда иштирок этганмикан?). Дарвоқе, Paynet'нинг "хусусийлаштирилган" боласи Humo ("MILLIY BANKLARARO PROTSESSING MARKAZI" АЖ) IT парк резидентига айлантирилган (Но это другое). Хўп, тижорат банклари IT парк резиденти эмаску, нега улар ҳуқуқий режимда эмас, дейишингиз мумкин. Лекин бонкаларнинг қайси бири қўрқмай Paynet панжасига панжа ура олади? 2008 йил ноябрда бошқа барча тўлов ташкилотлари учун имконсиз ва бажариб бўлмас чегаралар қўйилгач, илк Paynet даври бўлганди, тарих яна такрорланмоқда. Кулгулиси, яна Мирзабек Холмедовнинг "Окалар, просто жой йўқ денглар" деган латифаси эсга тушади.