​Битта бекат 10-20 минг доллар? Ишламайдиган, кўз кўрдига ва галочкага қўйилган Технопарк пандусларинику қийматиниям билмаймиз, умумий битим шартлариниям (ҳаммаси солиқ тўловчилар чўнтагидан, цинизм шуки, хусусан шу имконияти чекланганлар ва ногиронлар бўйнига). Катта эҳтимол, ёпиқ қарор билан қилинган (бунақа лойиҳаларда бошқача бўлиши мумкинми?). Хўп, майли. Бу ишлар аввалги шаҳар маъмуриятига тааллуқли деб турайлик (худди дўкон бекатларни буздираётган ҳоким шу бекатларни сотган ҳокимга “узвийлиги ва масъулияти” йўқдек). Амалдаги маъмурият аввалги маъмурият хатоларини такрорламаяптими? Масалан, шу бузилган дўкон бекатлар ўрнига тушаётган ва умуман янги бекатлар неча пул туради? Ҳокимнинг айтишича, 10-20 минг доллар. Билмайман, бу рақам қаердан олинган, қандай калькуляция қилинган, намунали бекатларни жойлаштириш бўйича рақобатли тендер бўлганми ё йўқ. Аниқки, Тошкентда 3 500 шунақа “намунали бекатлар” бўлиши керак. Мана ўша бекатлардан бири.