​3 йил аввалги энерговаъдаларга кўра Ўзбекистон ҳозир нефть мустақиллигига эришиши керак эди Бойсундаги газ конлари билан боғлиқ яна бир энергопиар Ўзбекистоннинг нефть мустақиллигига эриши ваъдалари билан боғлиқ эди. Ўшанда Saneg Бойсунда сланец рудаларини қайта ишлашни йўлга қўйиш бўйича нефть олиш борасида космик режаларини кўз-кўз қилган ва ҳатто "Ўзбекистон 2−3 йил ичида нефть мустақиллигига эришади" дея презентация қилинганди (бунинг учун ҳам норасмий манбаларга кўра, бир неча юз миллион долларлик кредитлар ўзлаштирилган). Ҳозир орадан 3 йил ўтиб, шу энерговаъдаларни берганларни сўров ва савол қилиш пайти келган бўлиши керак, токи ўзи йўқ нефтга янги ва янги шиширилган ва ёлғон лойиҳаларни ясаш давом этмасин. Яна қўшимчасига, устоз ва валийнеъматсиз қолган энергошотирлардан сўраш керакки, Украинлар шимолдаги босқинчининг заводларига зарба бераётган бўлса, бензин нега Ўзбекистонда ҳам потирлаб қимматламоқда? Қозоғистонда эмас, Туркманистонда эмас.