Депутатлар Veolia Energy Tashkent’ни қачон гиламга чақиришади? Бу каби аянчли техноавариялар, афсуски, биринчи марта юз бераётгани йўқ. Масалан, ўтган йили Фаробий кўчасидаги авариядан кейин қандай хулосалар қилинган, кимлар жазоланган, жароҳатланганлар ва мулкдорларга етказилган зарарлар қопланганми ё йўқ, ҳалигача билмаймиз. Монополист яна қуруқ баёнот билан қутулиб қолмаслиги лозим. Бу ишончли бошқарувчилар совураётган триллионларни ўзимизникилар ҳам худди шунақа натижалар билан совуришни қойиллатишган бўлишарди. Хўп, нима каромат кўрсатди ишончли бошқарувчилар? Ўзи уларнинг олдига қандай шартлар, вазифалар ва мақсадлар қўйилганди, қандай тўловлар эвазига? Яна бир неча ҳафтадан кейин яна аждарҳо тарифларни кўтариш масаласини кун тартибига олиб чиқишади. Балки сўраш пайти келгандир? Veolia’ни пойтахт депутатлари эмас, биратўла парламент депутатлари гиламга чақиришлари керак (чунки буларга триллионлаб субсидияни Республика бюджети - бутун Ўзбекистон солиқ тўловчилари тўлаяпти).