Марказий иситиш қачон ёқилади? Амалдаги меъёрларга кўра, иситиш даври ташқи ҳавонинг ўртача суткалик ҳарорати 8Сдан паст бўлган 5 кунлик давр тамом бўлган кундан кейинги кундан бошланиши керак. Прогнозларга кўра, эрта ва индинга ўртача суткалик ҳарорат 8Сдан пасайиши мумкин. Лекин душанбадан яна ҳарорат исиб кетади ва деярли ойнинг охиригача ўртача суткалик ҳарорат 10Сдан қуйига тушмайди. Аввал марказий иситиш учун тарифлар бутун йил давомида ундирилар эди. Шунинг учун тизимни кечроқ ёқиш ва эртароқ ўчириш манфаатлироқ бўлган. Ўтган йилдан бошлаб иситиш мавсумидаги ҳар бир кун учун иситилаётган майдоннинг ҳар квадрат метрига 142 сўмдан ҳақ ундирилиши белгиланган (мазкур тариф иситиш билан боғлиқ харажатларни қоплаши ё қопламаслиги бошқа масала). Яъни иситиш тизимини белгиланган ҳарорат пасайиши меъёрларига қарамай, эртароқ ёқиш ва кечроқ ўчириш камида зиёнли эмас.