АҚШда инфляция 7,9%га етди Февраль ойи якунларига кўра, АҚШда ойлик инфляция 0,8%га, йиллик инфляция 7,9%га етган. Бу 1982 йил январдан буён қайд этилган энг юқори кўрсаткич. Инфляциянинг энг асосий омили ёқилғи нархларининг ўсиши бўлиб қолмоқда. Президент Байден ўз чиқишида Россияга қарши санкцияларнинг ҳам инфляцияда ўрни бўлаётганини қайд этган. Шунингдек, Байден иш ўринлари яратилиши юқори суръатларда кечаётганини ҳам билдириб ўтган. Келаси ҳафтада, 16 март куни Федерал резерв тизими асосий ставкани кўтаришни бошлаши ҳақида прогнозлар бор. Эслатиб ўтамиз, Ўзбекистон Марказий банки бошқарувининг асосий ставка бўйича йиғилиши бир кун кейин, 17 март куни ўтказилади.