Прецедент Маълум қилинишича, “ЯГОНA УМУМРЕСПУБЛИКA ПРОЦЕССИНГ МAРКAЗИ” МЧЖ 75% улуши қолган 4 нафар иштирокчилар томонидан, имтиёзли ҳуқуқдан фойдаланган ҳолда, ўз улушларининг миқдорига мутаносиб равишда сотилган. Ушбу битим бўйича Агентликка айрим саволлар: 1, Нега жамият национализция қилинаётганда, яъни давлат банклари 75% улушни сотиб олишаётганда ва кейин бу улушларни агентлик балансига ўтказишаётганида бошқа иштирокчилар "имтиёзли ҳуқуқи"дан фойдаланишмади? Ахир бу уларнинг ҳақлари эдику! 2. Нега "имтиёзли ҳуқуқ" ўртага чиқмаслиги учун ўтган 2 йилда 75% улушни назорат қилган давлат МЧЖни АЖга айлантирмади? Ё аввал бошдан 75% улушни очиқ аукционда сотиш мақсади бўлмаганми? 3. Нега мустақил баҳоловчи "Real Excellent Valuation" МЧЖнинг улуш қийматини баҳолаш бўйича ҳисоботи, Ҳисобот натижаларига кўра бошқа иштирокчиларга улушлар таклиф этилаётгани очиқ эълон қилинмади? Агентликнинг аукцион ўтказиш ниятлари жиддий бўлса, баҳоловчи қайд этган улуш нархини бошланғич нарх сифатида олиб, иштирокчилардан "йўқ жавоби" олиш учун, масалан, 2 ёки 3 баробар кўпроқ нарх таклиф этилиши мумкинмиди? 4. “ЯГОНA УМУМРЕСПУБЛИКA ПРОЦЕССИНГ МAРКAЗИ” МЧЖ давлат назоратида эканида нега бирон марта молиявий натижалар эълон қилинмади? МЧЖ национализация қилингунча ва ундан кейин қанча фойда кўраётганди? Давлат ўтган даврда қанча дивиденд олди? 5. Агентлик бундан буён ҳам Ёпиқ кабинетларда келишиладиган ва кулранг схемаларга асосланган мана шундай "хусусийлаштириш" воситаларини қўллашда давом этадими? "Имтиёзли ҳуқуқ" прецедентидан яна бошқа активларни сотишда фойдаланиладими?