​Шундай қилиш мумкинмиди? Тарихга кирдинглар! Аввал давлат банкларига тижорий қийматда сотилган, кейин давлат банкларидан Давлат активларини бошқариш агентлигига текинга ўтказилган "Ягона умум республика процессинг маркази" МЧЖнинг (Uzcard) 75% улуши компаниянинг номинал эгаларига қайта расмийлаштирилган. Бу ҳар қандай ақл ва мантиқни тор кўчага тиқиб қўядиган қанақа схема? Нима учун? Ким, қайси ваколатларга эга орган ва қайси ёпиқ кабинетларда бундай қарорга келди? Давлат активларини бошқариш агентлиги 75% улушни сотмоқчи эдику!? Давлат банкларига улар тўлаган пуллар тўлаб берилдими ҳеч қурса, ўтган 2 йилда улар йўқотган эҳтимолий даромадлар-чи? Россиядаги 90- йиллардаги "гаров аукционлариям" шарманда агентликнинг "хусусийлаштириш схемалари" олдида. Тарихда муҳрланишди. Энди бутун дунё нима қилмаслик кераклигини Россиядаги хусусийлаштириш тарихидан эмас, Ўзбекистон тарихидан ўрганишади.