Давоми Учинчидан, "инвестиция" деб эълон қилинган, аслида ғалати қарз жалб қилиш схемасидан мақсад нима бўлган, деган саволга жавоб Пул оқими ҳисоботида кўринади. Қанақадир мазмунга эга Мақсад бўлган бўлса, бу қарз олиб, илгари олинган қарзларни қайтаришга ўхшайди. 2023 йил 1 январь ҳолатига Ўзбекнефтегазнинг 7,1 трлн.сўмлик сўндирилиши талаб этиладиган қисқа муддатли қарздорлиги мавжуд бўлганини кўришингиз мумкин. Ёздаги дефолт ва кросс-дефолт қайсидир мазкур мажбуриятларнинг қайтарилишидаги кечикиш ёки узилишга тақаладими, деган саволга ҳисоботда жавоб йўқ. Тўртинчидан, Ўзбекнефтегазда муддати келаётган қарздорликларни сўндириш ёки қайта молиялаштириш учун GTL "юрагини" ўртага қўйишдан бошқа рационал восита бўлмаганми, деган савол туғилади. Ёки масаланинг тиғизлиги 1,8 млрд.долларлик Шўртан-2 лойиҳасини Ўзбекнефтегаз ихтиёридан тортиб олиб, бошқа бенефициарга топшириш билан боғлиқми? Ё Ўзбекнефтегаз кредиторларининг рухсатини олиш учун Шўртан-2 лойиҳаси учун олинган кредитларни зудтар ёпиш керак бўлганми?