Ўзбекнефтегаз, яъни ўзбекистонликлар бўйнига осилган 10 трлн.қарз қаердан шаклланган? Бу бўйича Энергетика вазири ё Ўзбекнефтегаз ёки Ўзтрансгаз қачондир тилга кирса, балки айтар. Балки қўлга, ошга ва тўнга ўргатилмаган бўлса, аудиторлик ҳисоботида ё рейтинг ҳисоботида бирон абзац маълумот қолдириб кетилар. Лекин жавоб олиш учун, ҳеч қурса савол бериш керак: шонли энергетикларнинг ўзбекистонликлар устидан ҳар қандай ёвуз экспериментлари учун қулай бўлган ҳозирги ёпиқ ва биқиқ режимда саволли мулоҳаза юритишдан бошқа чора йўқ. Эсингизда бўлса, Ўзтрансгаз токи 2022 йилда UzGasTrade деган янги бассейнни очишмагунича, зарарлар йиғиладиган контора бўлган. зарарлар қаердан жамланган? Газни каррасига қиммат сотиб олишдан, масалан ўша пайтда Ўзбекнефтгеаздан 250 сўмдан сотиб олинган газ "Uz-Kor Gas Chemical"дан 4,4 баробар қимматига 1100 сўмдан, "Natural Gas-Stream"дан 2,2 баробарига қиммат 550 сўмдан сотиб олиб келинган. Энди тушунгандирсиз, газнинг таннархи қандай қилиб 2000 сўмгача шиширилганини? Энди ўша йиғилган триллионлаб зарарларни қарз қилиб кимгадир осиш керак? Кимга осиш мумкин? Эринмаганки ҳамма талаётган Ўзбекнефтегазга (яъни ўзбекистонликларга). Бу қанақа бемазагарчилик, демасликлари учун кўзкўрдига ва "соусига" Ўзтрансгазнинг улушларини кўтарасига қўшиб кетишмоқда. Қоғозда Ўзбекнефтгазга ўтган Ўзтрансгаз улушларини, яъни Ўзбекистон газ транспорт тизимини ким ва қандай шартларда бошқариши яна бошқа мавзу, бошқа савол ва бошқа кўргулик.