Куннинг ва балки йилнинг энг ёқимсиз хабарларидан бири Охирги 3 йилда 30 йил давомида ёпиқ бўлган Ўзбекистон авиабозорига том маънода янги ҳаво ва кичик бўлсада танлов олиб кирган Wizz Air Яқин Шарқдаги операцион муаммолар ва геосиёсий ўзгаришлар туфайли Ўзбекистонга ҳам парвозларни тўхтатаётгани ўзбекистонликлар учун энг ёқимсиз хабар, деб ўйлайман. Нафақат куннинг, балки йилнинг ҳам. Wizz Air туфайли учмас ҳисобланган ўзбекистонликлар ҳаётларида биринчи марта ички қатновлар нархида дунёга чиқиш имкониятига эга бўлишганди. Барча соҳаларда монополистларни дастаклаш сиёсати қайтгани ҳисобга олинса, Ўзбекистон авиа бозорига Wizz Air даражасидаги, мамлакатимизни дунё хабларига боғлайдиган бошқа бирон лоукостер бошқа киритилмаса керак (Wizz Air операцион сиёсатидаги ўзгаришлар юз бермаганида ҳам компания Ўзбекистон бозоридан қувиб чиқарилган бўлармиди, деган саволларни қўйиш маънога эга эмас).