Ўқитувчилар беш йил олдин имтиёзли пенсияга чиқиши мумкинми? Пенсия жамғармаси директори билан Lolazor’даги суҳбатда пенсия ислоҳоти давомида ўқитувчиларнинг 5 йил олдин пенсияга чиқиши имтиёзи ҳақида ҳам сўрагандик. Мазкур имтиёз 1993 йилдан 2011 йилгача амал қилган, кейин тўсатдан, ҳеч бир тушунтириш ва изоҳсиз бекор қилиб юборилган (ўқитувчилар 25 йил стажи бўлган тақдирда — эркаклар 55 ва аёллар 50 ёшда пенсияга чиқиши мумкин бўлган). Ўтган ёмон замонда бекор қилинган ўқитувчилар учун кўп юмшатишлар янги замонда аста-секин тиклана бошлагач, 2020 йилда "Педагог ходимнинг мақоми тўғрисида"ги қонун лойиҳасида педагог ходимлар беш йил олдин имтиёзли пенсияга чиқиши қоидаси киритилган эди. Афсуски, бу таклиф 2023 йилга келибгина ҳаволакилар тўплами сифатида қабул қилинган қонунга қўшилмаган (худди ўқитувчилар учун педагог ходимининг базавий лавозим маоши БҲМ ўн бараваридан кам бўлиши мумкин эмаслиги каби пулли кафолатлар кирмай қолгани сингари). Пенсия ислоҳоти лойиҳаси муҳокамаларида янграётган турлича муносабатлардан келиб чиқиб, ўзгаришларни халққа янада яқинлаштириш учун ва балки ўтган ёмон замонда бузилган адолатни қайта тиклаш учун ўқитувчиларга беш йил олдин имтиёзли пенсияга чиқиш таклифини ҳам кун тартибига чиқариш керакдир?