"Ўзбекнефтегаз" Jizzakh Petroleum'даги улушини сотдими? Сотган бўлса, қанчага сотди? «Ўзбекнефтгаз» Jizzakh Petroleum компанияси таъсисчилари сафидан чиқди, деб хабар бермоқда газетаўз. Менимча сарлавҳа нейтрал эмас, сал бошқачароқ янграса, ёқимсиз саволлар пайдо бўлган бўларди. Масалан: "Ўзбекнефтегаз" Jizzakh Petroleum'даги улушини сотдими? Табиийки, бундан кейин қатор саволлар туғилади. 49% улуш қанчага сотилди? Кимга сотилди? Нега сотилди? Ахир Jizzakh Petroleum бозордаги дўкон эмас. Жуда йирик, айни пайтда стратегик активларни агрессив тарзда эгаллаётган компания. Қолаверса, Фарғона нефтни қайта ишлаш заводининг ишончли бошқаруви қўшқўллаб шу компанияга топшириб қўйилган, Бухорода йирик газ комплекси қураётган бўлса. Ким тилла тухум туғадиган компанияни ўз ихтиёри билан сотади? Тепадан топшириқ бўлгандирда, дерсиз. Тўғри, ахир тепадан топшириқ бўлмаса, масалан, "Ўзбекнефтегаз"га тегишли Байналминал (Сеул) кўчасидаги бир неча миллион долларлик АЁҚШ бир кечада бузилиб, бошқа эгасини топиб кетармиди? Дарвоқе, "Ўзбекнефтегаз" таъсисчилар қаторидан даф бўлиши биланоқ компания номини ўзгартиришга ҳам улгурипти. Энди у «Jizzakh Petroleum» МЧЖ эмас, "SANOAT ENERGETIKA GURUHI" Mas'uliyati cheklangan jamiyat Xorijiy Korxonasi деб қайта номланган. "SANOAT ENERGETIKA GURUHI"да 98% улушга Кипрда рўйхатдан ўтган офшор BELVOR HOLDINGS LIMITED эгалик қилмоқда. Газпром шўъбаларидан бўлган Gas Project Development Central Asiaнинг улуши эса 2%гача тушиб кетган. Мазкур Кипр офшори қайси чиновник ёки олигархга тегишли, нима деб ўйлайсиз? Уч уринишда топинг!