​Машина эмас, олтин афзалроқ. Уй бўлса, унданам яхши Монополист UzAuto Motors контрактация очилгандан кейин 1 сутка давомида 13 203 та автомобил сотиш бўйича контрактация қилинганини айтиб мақтанмоқда. Хусусан, 6 300та Ласетти ва 4 700 та Кобальт сотиб олинган. Албатта, кимнинг нима сотиб олиши ўзининг иши. Айниқса юз бераётган конфликт орқасидан иқтисодий бўҳрон эҳтимоли ошаётган шу кунларда. Лекин автомобиль маблағларнинг сақлашни мақбул воситаси эмас. Кризис вақтида авто нархи фақат тушади. Табиийки йўқотишларингиз кўпроқ бўлади. Бундан аввал 2008 йил кризисидан кейин 2009 йилда, 2014 йилдаги кризисдан кейин 2015 йилда юз берган ҳолатларни эсланг. 10 мингдан 7 минггача арзонлаб кетган Ласеттилар эсингиздами? Ўзбекистон шароитида кризис вақтида нархини сақлайдиган ва долларга юқори даражада боғланган битта актив бор, бу ҳам бўлса олтин. Бу можаро ҳали бери битадиган эмас, ҳеч бир томон муросага келишни истаётгани йўқ, ҳатто ҳалигача муроса предмети ҳам йўқ. Сулҳ бўлган тақдирда ҳам, санкциялар бозорлардаги волатилликни ва рискларни камида йил охиригача юқори даражада ушлаб қолади. Олтин қуймалар ва тангалар эса маблағингиз сақланиб қолишини кафолатлайди. Хуллас, тавсия шуки, уйингиз бўлмаса, аввало уй олинг. Уйингиз бўлса, ортиқча маблағингизни кафолатлаб қўйишни истасангиз, олтин олинг. @the_bakiroo