Кэшбек ошгани яхши, лекин йиғилган кэшбекни картага ўтказиш комиссияси нега кескин ошди? Курбанов Soliq иловасида йиғилган кэшбекларни картага чиқариб олиш учун комиссия бирдан 2%гача кўтарилганига эътибор қаратмоқда. Илгари комиссия миқдори 0,7% эди. Маълумот учун ойига ўртача 100 млрд.сўмгача кэшбек тўланади, картага ўтказишда ушлаб қолинаётган комиссия 700 млн.сўмдан энди 2 млрд.сўмгача ошмоқда. Комиссиянинг оширилиши ва қайси асосларга кўра оширилиши ҳақида бирон расмий оферта эълон қилинганига кўзингиз тушдими? Менда тушмади (илова оператори Soliq servis ДУКми ёки кимгадир бериб юборилмадими, ишқилиб?). Шунингдек, монополистлар Uzum Tezkor ва Yandex чеклари учун кэшбек тўланмай қўйгани ҳам қизиқ. Қоидаларга қанақадир янги ўзгартиришлар киритилгани йўқ. Ҳозир текширсам, ўтган йил иккинчи ярмидан бери ҳар ой камида 20-30 минг сўм кэшбек тўланмай қолмоқда экан. Дарвоқе, яширин иқтисодиётнинг кони бўлган қурилишда, хусусан уй-жой хариди учун кэшбек бериш масаласи нима бўлди?