Қонун танлама қўлланилса, меҳнаткашларга маош тўламаслик авж олаверади Тармоқда яна бир маҳаллийлаштирувчи заводлардан бири Uz-Honwoo Engineering 2024 йил ноябрдан бери маош тўламаётгани ҳақида шикоятлар пайдо бўлган. Тасаввур қилаяпсизми, иш берувчи ўтган йил ноябрдан бери маош бермаяпти. Агарда шундай ҳолат тепада ҳомийси йўқ ёки чўнтак бўлмаган бирон кичик бизнес билан рўй берганида аллақачон заводни сотиб, эгасини банкрот қилиб, кўчага ҳайдаб бўлса ҳам маошлар тўлаттирилган бўларди. Лекин бу ерда ҳамма бошини қумга тиқволган. Бассейн профсоюзлар соқов, инспекция "фас" деган топшириқ бўлмагунча иш кўрмайди. Қолаверса, Фарғоналик маош ололмаётган қоракўз ватандошлар ўнминглаб доллар ойлик оладиган шимолдан келган оқсуяк ва оқбилаклар эмаску. Автомобиль монополисти учун маҳаллийлаштирилган эҳтиёт қисмлар етказадиган Uz-Honwoo Engineering 50% улуши Давактивга ўтказилган. Яъни "хусусийлаштирилиши" керак. Балки шунинг учун деярли бир йил маош бермай туришганми, янги эгасига топширишса, кейин уёғига худо пошшо. Дарвоқе, Давактив ходимлари ёки агентлик директори Ортиқов 10 ой маош олмаса, нима қилишган бўларди?