Аномал сентябрь яқин: Талабалар учун қанча ётоқхона қурилди? Ҳозир пойтахтнинг энг чекка Сергели туманидаги ижара нархларига кўзим тушди. Талабалар учун таклиф этилаётган бир хонали квартира ижараси 300 доллардан бошланади. Яна биринчи ойда 50%лик маклер хизматиям бор. Ҳар йили августнинг охири, сентябрь бошида талабаларнинг ётоқхона муаммоси тўсатдан келиб қолади (худди аномал қиш, аномал ёздек). 2021 йилда қабул қилинган Ҳукумат қарорига кўра, 2022 йилда 37та, 2023 йилда 59та ётоқхона қурилиши керак бўлган. Шу қарор доирасида ер майдонлари ажратилган. Бюджетдан талабалар турар жойини барпо этиш бўйича лойиҳалар учун 2022 йилда 228,9 млрд.сўм, 2023 йилда 284,1 млрд.сўм субсидиялар ҳам тақсимланган (ўртача 400 ўринли бир ётоқхонага 1 млн.доллар атрофида субсидия). Ўтган йили кун.ўз атига 2 дона ётоқхона қурилганини ёзган эди. Бу йил нечта ётоқхона қурилди? Нечтаси ишга туширилди? Балки "талабаларни одобига кўра гуруҳга ажратиш", "ишга жойлашмаган битирувчилари сони кўп бўлган нодавлат ОТМ фаолиятини тугатиш", "туманларни университетларга бириктириш" каби энновацион ташаббуслар кўрсатаётган вазир жаноблари аллақачон қурилиши керак бўлган ётоқхоналар борасида мундоқ чиқиш қилар, ҳисобот берар?