​Қиймати 2,5 млрд.доллардан 5 млрд.долларга шишган МТО лойиҳаси Агар ўша пайтдаги Энергетика вазири бўлган Султоновнинг тақдимотига ишонилса, умумий қиймати 2,5 миллиард доллар бўлган мазкур лойиҳа 2023 йилнинг тўртинчи чорагида фойдаланишга топширилиши керак эди. Лекин қарангки, Газетанинг ёзишича, ўтган йили фойдаланиши керак бўлган лойиҳанинг қурилиши кеча бошланган ва лойиҳа 5 миллиард долларга яқин инвестицияларни жалб қилади, яъни объектнинг нархи тахминан икки баравар ошган. МТО технологияси (“метанолдан олефингача”) асосида газ-кимё мажмуасининг расмий сайтидаги охирги ўзгаришларга кўра ҳам лойиҳанинг қиймати 3,1 млрд.доллар этиб кўрсатилган. Айнан мана шу лойиҳа учун (солиқ ва бож имтиёзлари тақдим этиш мақсадларида) Қоракўл махсус иқтисодий зонси ташкил этилган. Лойиҳа ишлаши учун 1,3 миллиард метр куб табиий газ керак бўлиши кўрсатилган. Ҳали қурилмасдан туриб нархи 2 карра шиширилган лойиҳанинг техник иқтисодий асослари, унинг иқтисодий самарадорлиги, неча йилда ўзини оқлаши, газ таъминоти, молиялаш манбалари, кредиторлари, хатарлари ва унинг оқибатлари ҳақида бирон бир расмий маълумот мавжуд эмас. Лойиҳанинг кечаги тақдимотида иқтисодий масалалар бўйича маслаҳатчи ўринбосари Галина Каримовна кўриниш берган. Балки у киши лойиҳанинг қандай ҳимоя қилингани ҳақида жамоатчиликка қандайдир тушунтиришлар берар.