“Мутахассислар Тошкент шаҳрига трамвай киритилса, каттароқ тирбандликка дуч келишимизни айтмоқда” — Транспорт вазири Илҳом Маҳкамов Иккинчи марта омма олдида автобусга чиқарилган Илҳом Маҳкамов шаҳарга трамвай линиясини қайтариш бўйича режа йўқлигини маълум қилган. “Мутахассислар Тошкент шаҳри ичига трамвай киритилса, биз каттароқ тирбандликка дуч келишимизни айтмоқда. Трамвай юргандан кейин эмас, қурилиш жараёнида. Бу кўп вақт ва маблағ талаб қилади". Маҳкамов бу қайси мутахассислар эканини очиқламаган. Табиийки, нега аввалдан трамвай мавжуд бўлган ва трамвай қайтарилиши мумкин бўлган потенциал кўчалар (Навоий, Фарғона йўли, Руставели, Беруний) бусиз ҳам юзлаб миллиард пул сарфлаб таъмирланаётгани ва таъмир вақтида тирбандликлар барибир юз бергани масаласида қарши савол берилмаган. Демак, юзлаб миллиардларни кўча таъмирлаб чўнтак компаниялар воситасида ўзлаштириш ва бу вақтда пробкаларга чидаса бўлади, лекин трамвайни қайтариш учун кетадиган вақт оралиғида тирбандликка йўл қўйиб бўлмайди. Ўзбек чиновникларининг трамвай ваъдалари аслида очко керак бўлганида эслаб туриладиган такрорланувчи конъюнктуравий приеми ҳисобланади. Шу маънода ҳатто грузинларни ҳам қўйнини пул ёнғоққа тўлдириб, бир муддат шу ваъда билан алдаб жўнатишганлардан яна нимани кутиш мумкин?