Onix ва Tracker учун контрактация тўхтаган. Монополист энди фақат чайқовчилик қиладими? Cobalt ва Lacetti'га контрактациялар тўхтаганига олтинчи ой ўтиб, энди нархи 200 млн.сўмнинг тепасида бўлган Onix ва Tracker'га шартнома бериш ҳам тўхтаган. Ҳозирда автосалон ва тегишли иловадан фақат бож тўламасдан, олиб сотарлик кўринишида келтирилаётган 419 млн.сўмдан 1,1 млрд.сўмгача бўлган Malibu, Equinox, Traverse ва Tahoe автоларига шартнома қилиш мумкин холос. Энди нафақат кам даромадли ва ўртадан паст, балки, ўрта ва ўртадан юқори даромад эгалари бўлган Ўзбекистонликлар ҳам автомобиль сотиб олишнинг танловсиз, ягона вариантидан мосуво бўлишди. Ҳукумат айнан кам бюджетли ва ўрта бюджетли автомобиллар учун жуда юқори бож тўловлари ва чекловларини белгилаган. Ҳаммада қизиғи, Ўзбекистонлик истеъмолчиларга тупуриб қўйган монополист Uzauto motors эркин бозорлар ҳисобланган Қозоғистон, Қирғизистон ва Озарбойжонда янги ва янги ишлаб чиқариш қувватларини ташкил этмоқда ва кенгайтирмоқда. Ўзбекистонликларга йўқ мошин, саналган давлатлар харидорлари учун бор ва бемалол.