​Silk Avia МЧЖ ичидаги МЧЖга яширилади Мисли кўрилмаган шовқин-сурон ва пиар билан ташкил этилган “Silk Avia” МЧЖ Uzbekistan Airways таркибидаги “Uzbekistan Helicopters” МЧЖ устав капиталига ўтказилади. Бу матрешка схеманинг муаллифи ким ва тугал мақсади қандай эканини билмайман. Лекин энди “Silk Avia” МЧЖ тўғрисидаги ҳеч қандай молиявий ахборот ташқарига чиқмайди. Қандай йирик битимлар, қанчага тузилаяпти, қанча зарар йиғилаяпти - ўрага сичқон тушди гулдур-гуп бўлади. Масалан, эртага ё индинга “Silk Avia” МЧЖни “АТR72-600” самолетларига қўшиб 30 тангага инвестицион мажбурият билан сотиб юборишлари ҳам мумкин, биров билмай қолаверади. Ёки Узкардни "хусусийлаштиришгани"дек аввал Давактивга ўтказиб, олдиндан келишилган чўнтакка тортиқ қилворишлари ҳам мумкин. Дарвоқе, бир йил аввалги антиваҳийларда Silk Avia'нинг 180 минг сўмлик авиабилети бу 9 минг долларлик Onix сингари бўлишини прогноз қилган эканман. "Silk Avia безбет акаси Ҳавошкадан заррача фарқ қилмайдиган бўлади" деб адашганим учун эса узр сўрайман. Энди улар ака-ука эмас, ота-бола. Текин реклама: Келаётган якшанба Silk Avia'нинг Урганч- Бухоро рейси. 1 415 638 сўмдан. Ўзбек чиновниклари нимагаки қўл уришса, нимаики ясашса, бу оқибатда қиммат танловсизликка олиб келади.